SISWATI GRAMMAR: SICHASISO – SIBALULI

 

SIBALULI

a) Inja lemnyama idle kudla ebhodweni.

b) Malume ungitjele indzaba lebuhlungu.

c) Lomfana bekagcoke imphahla lebovu.

- Lamagama labhalwe ngalokutopele abitwa ngekutsi tibaluli.

- Sibaluli incenye yesichasiso. Leli ligama lechaza sobito.

- Sobito ligama letintfo letibonakala ngemehlo nome letingabonakali ngemehlo( Noun).

TAKHI TESIBALULI

- Sivumelwano( concords)

- Sicu (stems)

KWAKHIWA KWETIVUMELWANO TESIBALULI

- Tivumelwano tesibaluli takhiwa tisuselwa kuleti tesiphawulo nge kutsi kususwe labomafonkholo kanye nabonkhamisa babo (ma,m,na,n).

LUHLA LWETIVUMELWANO TESIBALULI (Dlamini, 1995).

SIGABA    BUNYE       BUNYENTI      
1.                 lo-                    laba-
2.                 lo-                    le-
3.                 Leli-                 La-                   
4.                 Lesi-                leti-
5.                 le-                    leti-
6.                lolu-                  leti-
7.                           Lobu-                                                             
8.                           Loku-                                                                 
TICU TESIBALULI

- Ticu tesibaluli tehlukene kabili:

a) Ticu temvelo.

b) Ticu letisuselwe kuletinye titfo tenkhulumo.

1. TICU TEMVELO

- Ticu temvelo nato tehlukene kabili.

a) Kunaletichazako.

b) Kunaletikhomba um

LETICHAZAKO    | LETIKHOMBA  

                                      UMBALA

-ncono                            -  mhl
-ngcunu                         - luhlata
-catsa                              -bovu
-cotfo                               -bhidzi
-banti                             - mphunga
-lusica                            -nsundvu

-ngaka                            -mnyama
-mcoka                            -mtfubi

2. TICU TESIBALULI LETISUSELWA KULETINYE TITFO TENKHULUMO.  (Sibanda, 1996)

a) EMABITWENTI

LIBITO    |    SIBALULI       |     SICU 

                                              SESIBALULI

Lusizi        |    le-lusizi         | -lusizi

buhlungu. |  le-buhlungu  | -buhlungu

bukhali     |   lo-bukhali      | -bukhali

- Lapha siyabona kutsi lamabito kufakwe tivumelwano tesibaluli kuto kwabese kwakheka tibaluli.

- Lencenye lesalako uma ukhipha sivumelwano kuleso sibaluli siyibita ngekutsi sicu.

b) ETENTWENI

SENTO   |   SIBALULI       |      SICU 

                                               SESIBALULI

Dlala     |    lo-dlala-ko           | -dlala

Gula      |    laba-gula-ko          |-gula

Hleka    |    laba-hleka-ko      |-hleka

udlala       lo-dlala                   | -dlalay

agawula|  le-yagawula    | -yagawula

- Lapha sibaluli sakhiwa ngekutsi kuhlanganiswe sivumelwano sesibaluli nesento bese kujomelelwa .

/-ko/ ekugcineni lokusijobelelo sesakhi sesibaluli.

c) ETIBANJALWENI

 SIBANJALO | SIBALULI     |  SICU 

                                               SESIBALULI

Yinyoka |    lo-yinyoka  |   -yinyoka

Silwane |   le-silwane    |  -silwane

Ngimi    | lo-ngimi          |  -ngimi

- Lapha ngenhla kufakwe tivumelwano tesibaluli etibanjalweni kwabese kuphuma tibaluli.

d) ETABITWENI

SABITO      SIBALULI          SICU 

                                          SESIBALULI

Yedvwa      lo-yedvwa      -yedvwa

Todvwa      leti-todvwa    -todvwa

e) ETANDZISWENI

SANDZISO  | SIBALULI   | SICU 

                                           SESIBALULI

Esangweni | la-s-esagweni |-esangweni

kaHhohho  | lo-kaHhohho |-kaHhohho

kumalume |la-ba-kumalume 

|-kumalume

KUSESTJENTISWA KWESIBALULI (Maduna, 2021)

1. Siyasetjentiswa sibe sibanjalo
- Singaba sibanjalo ngekutsi sisebentise sakhi /ngu-/

a) Make ngulocotfo kulomango wanga kitsi.

b) Lomfana nguloncono kulomndeni.

- Singasebentisa sivumelwano senhloko.

a) Babe ucotfo lamangweni.

b) Sisi uncono kulelo hlangotsi.

c) Lendzawo lababanike yona ibanti.

2. Sibaluli singasetjentiswa netijobelelo letisebenta nemabito. Tijobelelo tesinciphiso netesikhuliso.

a) Kwendlule intfombi lemhloshana lapaha.

b) Sibulale imamba lenkhulukati itolo.

c) Lendvodza lemnyamakati kusolwa yona.

3. Sibaluli singalandzelo sobito (libito/sabito) lesimchazako.

a) Imoto lemnyama ishayisile.

b) Umfana loncono ngulosita batali bakhe.

c) Indzawo lebanti ikahle.

4. Sibaluli singaba inhloko emshweni.

a) Lemhlope intfombi iyatsandzeka.

b) Lecotfo imtfombi iyendza.

c) Lebanti indzawo iyalimeka.

5. Tivumelwano tesibaluli tingasebenta netento.

a) Labadlalako umakufundvwa bayafeyila.

b) Lababhalako umsebenti wesikolwa bayaphumelela.

6. Ticu tesibaluli tingakha emabito esigaba 7

a) /bu-/ + /-ncono/ = buncono

b) /bu-/ + /-cotfo/ = bucotfo

c) /bu-/ + /-banti/ = bubanti 

d) /bu-/ + /-mhlope/ = bumhlope

7. Ticu tesibaluli tingakha tandziso.

a) Umale kabuhlungu.

b) Fundza utophila kancono.

c) Ngifuna kuyova kabanti ngalendzaba.

References

1. Dlamini J. V. (1995). Luhleo LweSiswati: Sehluko 4 Libito.  South Africa: Shuter & Shooter (Pty) Ltd.

2. Maduna (2021). Siswati : Sibaluli. Mphofu High School SiSwati Notes.

3. Sibanda E. S. Mthembu E. T. (1996). Sihlatiya Siswati. Swaziland: Macmillan Swaziland National Publishing.