50 SISWATI TAGA NETISHO (IDIOMS AND PROVERBS)
1. Linceba lendvodza alihlekwa. – ungabomhleka umuntfu nakehlulekile.
2. Tjani lobulele abuvuswa. – umuntfu lolibele longafuni kusitwa uyamyekela.
3. Bamba imijojo wena. – mani sibindzi.
4. Imbita lengaphushi ayivutwa. - tintfo tilungiswa ngekukhuluma.
5. Inhlwa ayibantjwa isavela. – ungayidvumisi intfo usengakayiboni.
6. Lapho kwake kwemakhona emanti aphindze eme. – bantfu labake batsandzana bangaphindze batsandzane.
7. Kudvonsa ngendlebe. – kumyala umuntfu.
8. Kuluma indlebe. – kuhlolisa umuntfu ngetfo letsite.
9. Incalakuvela umbhalo waMathubela. – kugabatisa info wente shengatsi kucala ngawe kuba netfo lenhle.
10. Legijimako ibonakala ngesihondvo. – umuntfu ubonakala ngemisebenti yakhe, lemihle nome lemibi.
11. Watigwaza ngesakhe. – kutibulala wena ngentfo yakho loyentile.
12. Londlula kazisengwa. – yingwadla.
13. Emakhatsato asabuyele emhlatsini. – ngijabhe kabi.
14. Badvuma bakhwelana. – kwetfuka ubaleke ute unyatsele lomunye.
15. Ihlwayile. – kute kudla kunedlala.
16. Kubamba litfumbu. – kudla kudla lokuncane.
17. Sekubonwa ngekusa. – ugulela kufa.
18. Liso liwela umfula ugcwele. – kuba netifiso letingetulu kwemandla akho.
19. Umntfwanamfambele.– umtfwananeluphuya.
20. Wadla libaba lifile. – uhlala akhamise umlomo.
21. Kukuhlaba lulwimi. – kuncamulisa umuntfu asakhuluma.
22. Imbiba idla yetayele. – lapho lowake wasitakala khona uphindze ufune lusito.
23. Kwandza kwaliwa batsakatsi. – ngiyabonga shengatsi bangandza labanjengawe.
24. Ikhotsa leyikhotsako. – umuntfu usita lomsitako.
25. Injobo itfungelwa ebandla. – bantfu bayabonisana. Utfola lusito ngetfo nawuyiveta kulabanye.
26. Kulala benyoni. – kulala kuze kuse ungakake waphaphama.
27. Kusemkhonweni kusetandleni. – umuntfu uphumelela ngekutisebentela yena.
28. Kwetfweswa emasondvo enyatsi. – kuniketwa umsebenti lomatima.
29. Sihlahla asinyelwa. – umuntfu lokusitile kumele umuvalelise uma sewuhamba ungoni ngoba sewuyahamba. Utowphindze umudzinge futsi.
30. Kutala kutilungelela. – kuba nemtfwana lolusito.
31. Tihlatsi tivakashela tindlebe. – kujatjuliwe.
32. Kutfwala tibunu. – kudvwala/ kutati.
33. Akatalanga wabola ematfumbu. – umntfwanakhe ute lusito utiphatsa kabi.
34. Emehlo eNcwala. – kwenta shenyatsi umuntfu awumboni kantsi uyambona.
35. Umlomo lishoba lekutiphungela. – umuntfu usitakala ngekutikhulumela nobe sekukubi atikhiphe enkingeni.
36. Imphisi idla umniyo. – kumnyama kakhulu ngephandle.
37. Kungahlwa kwenile. – tintfo letimbi tenteka ebusuku bangaboni.
38. Indzaba ayilali endleleni yesaba ematolo. – indzaba leyintfihlo isheshe ivakale nobe ungatama nganani kuyifihla.
39. Kushaya ngelunyawo phansi. – kwala kutsi intfo yentiwe.
40. Umbetse sinokoti semvu. – wenta shengatsi ulungile kantsi ufihle lokubi.
41. Kwandza ngetulu. – kukhulumela futsi.
42. Kuhamba ngesancele. – kuhamba ungakaceli ekhaya nobe kuhamba ngenkhani bangafuni ekhaya.
43. Yeka lugogo lwenkhabi kudliwa tinondvo. – kwedzelela lijaha ulibukele phansi ngekutsi alikayifaneli intfombi yalo lenhle.
44. Kuphelelwa siye. – kwenyanya ngekutsi lokulindzele solo akwenteki.
45. Imvu yenkhosi. – ngumuntfu lotilingele.
46. Siphiwo asaliwa. – uma umuntfu akupha intfo awuyali nobe ungayidli.
47. Kuba neliso. – kuba nesiphiwo sekunakekela tintfo letitsite.
48. Kushaya ngelunyawo lolusha. – kusebentisa tindlela letinsha letincono ekwenteni intfo letsite.
49. Indvodza ifela emaceleni. – ngeke uphumelele uma uhleti ndzawonye.
50. Kwetfwala inhloko. – kwenta intfwo lebulima.
References
1. Dlamini G. D, Gab G. (2018). Bekukhona: Sigaba 2 Taga Netisho. Swaziland: Macmillan Boleswela Publishers. Pp. 90-106.