Siswati Grammar: Libito (Noun)

By


Libito
- ligama lentfo letsite lebonakalo nalengabonakali.(Dlamini etal,2008)

Tibonelo:
- Lamagama labhalwe ngalokutopele ngemabito.

a) Umfana udla ibhola.

b) Inkhomo idla tjani.

c) Umfati ukha emanti.

d) Babe ubophela tinkhabi.

e) Gogo ugiga liguma.

f) Mkhulu ukhokha tinkhomo esibayeini.

g) Lijaha leluse tinkhomo.

Takhi telibito

✓ Libito lakhiwa: 

1. sicalo 

2. sicu

✓ Takhi telibito sititfola ngekutsi sigucule libito siliyise ebunyentini noma silisuse ebunyenini siliyise ebunyeni.

✓ Sakhi selibito lesiba sekucala sikhomba bunye nobe bunyenti.

✓ Leso sakhi sekucala sisibita ngekutsi sicalo.

✓ Lesakhi lesisalako uma sosuse sicalo kutsiwa sicu.

Tibonelo:

a. Umfana ( bunyenti: bafana)

/Um-/  - sicalo

/-fana/ sicu

b. Umutsi (bunyenti: imitsi)
/umu-/ -  sicalo
/-tsi/  - sicu

c. Emadvodza ( bunye: indvodza)


/ema-/ - sicalo

/-dvodza/ - sicu

TICALO NETIGABA TEMABITO (Dlamini, 1995)

Sigaba           Bunye            Bunyenti

1                   umu- ,  um-       ba- be-, b-

1a                   u-                          bo-

2                     umu-, um-        imi-, im-

3                       li-                         ema-

4                      si-, s-                     ti-, t-

5                      in-                         tin-

6                      lu-, lw-                 tin-

7                         bu-, b-, tj-, tjwi-

8                                ku-, kw-


Asesitsatseke kubuka sigaba ngasinye ngasinye:


 1. Sigaba 1

• /ba-/ - sicalo

• Tibonelo: ba-fana,  ba-ntfu, ba-tsakatsi

• /be-/ - sicalo

• Tibonelo: be-lungu, be-tswana, be-suftu

• /b-/ - sicalo lesisetjentiswa embi kwesicu 

lesicala ngamkhamisa.

• Tibonelo: b-oni, b-akhi, b-ongi

- Kulegaba sibonelo sakhona selibito: umfana

- “umfana” bunye balelibito..

- “bafana” bunyenti balelibito.

- Asesihlahlele lamabito:


Umfana

/um-/  - sicalo selibito lelikusigaba 1 bunye.

/-fana/ - sicu selibito

Bafana

/ba-/ - sicalo selibito lelikusigaba 1 bunyenti.

/-fana/ - sicu selibito

- Lokufuna ukwati kutsi sicu selibito ngulencenye lengashintji uma lelibito uliyisa ebunyentini. 

2. Sigaba 1a

- Tibonelo: bo-gogo, bo-babe, bo-ntsangayetfu

- Gogo u-lele.

- “bo-gogo” bunyenti balelibito 

3. Sigaba 2

• /imi-/ - sicalo

• /umu-/ - sicalo. silandzelwa ticu letinelilunga linye.

• Tibonelo: umu-ti, umu-sa, umu-tsi, imi-ti, imi-fula, imi-khono

- Sibonelo: umuti

- Bunye: umu-ti

- Bunyenti: imi-ti

4. Sigaba 3

- Sibonelo: lihhashi

- Bunye: li-hhashi

- Bunyenti: ema-hhashi

5. Sigaba 4

• /ti-/ - sicalokhulu

• /t-/, /s-/  - ticalo silandzelwa ticu leticala nga: b, p, f, v

• Tibonelo: s-ono, s-ento, t-ono, t-ento, t-ati

- Sibonelo: sihlahla

- Bunye: si-hlahla

- Bunyenti: ti-hlahla

6. Sigaba 5

• /Tin-/ - sicalo simele: tin-, tim-, tiny-, ting-

• /in-/ - sicalo silandzelwa ticu leticala: tf,  dz, z, dl, tj, j


• /im-/ - sicalo silandzelwa ticu leticala : b, p, f, v

• Tibonelo: intfo, indzaba, inzuso, indlovu, intje, inja, inyoka

- Sibonelo: imbuti

- Bunye: im-buti

- Bunyenti: tim-buti

7. Sigaba 6
- Tibonelo: lu-hambo, lu-galo, lu-vivane, lwati, lw-eti

8. Sigaba 7

- tibonelo: bu-suku, bu-nadzi, tjw-ala, tj-ani, b-ondli

9. Sigaba 8

- Tibonelo: k-ona, k-osa, k-opha

References

1. Bhembe M, Dlamini M., Vilakati S. , Mamba B. and Masuku M., Umtfombo Wesiswati 4: Incwadzi yemfundzi (Swaziland: Macmillan Boleswa Publishers,2008), pp9-15.

2. Dlamini J. V. (1995). Luhleo LweSiswati: Sehluko 4 Libito.  South Africa: Shuter & Shooter (Pty) Ltd. Pp 12-16

Mfankhona graduated at Southern Africa Nazerene University (SANU) in 2019. He is holding a Diploma in Primary Teaching. He lives in Eswatini. Online He goes by Bi Blessin.

Popular posts from this blog

SISWATI GRAMMAR: SICHASISO – SIBALULI

By
  SIBALULI a) Inja lemnyama idle kudla ebhodweni . b) Malume ungitjele indzaba lebuhlungu . c) Lomfana bekagcoke imphahla lebovu . - Lamagama labhalwe ngalokutopele abitwa ngekutsi t ibaluli . - Sibaluli incenye yesichasiso . Leli ligama le chaza sobito . - Sobito ligama letintfo letibonakala ngemehlo nome letingabonakali ngemehlo ( Noun). TAKHI TESIBALULI - Sivumelwano ( concords) - Sicu (stems) KWAKHIWA KWETIVUMELWANO TESIBALULI - Tivumelwano tesibaluli takhiwa tisuselwa kuleti tesiphawulo nge kutsi kususwe labomafonkholo kanye nabonkhamisa babo ( ma ,m,na,n ) . LUHLA LWETIVUMELWANO TESIBALULI ( Dlamini, 1995). SIGABA    BUNYE       BUNYENTI       1.                  lo-                     laba - 2.                  lo-                    le- 3.                 Leli-                  La-                     4.                 Lesi-                  leti - 5.                  le-                     leti - 6.
Read more

50 SISWATI TAGA NETISHO (IDIOMS AND PROVERBS)

By
  1. Linceba lendvodza alihlekwa . – ungabomhleka umuntfu nakehlulekile . 2. Tjani lobulele abuvuswa .  – umuntfu lolibele longafuni kusitwa uyamyekela . 3. Bamba imijojo wena . – mani sibindzi . 4. Imbita lengaphushi ayivutwa . -  tintfo tilungiswa ngekukhuluma . 5. Inhlwa ayibantjwa isavela . – ungayidvumisi intfo usengakayiboni . 6. Lapho kwake kwemakhona emanti aphindze eme . – bantfu labake batsandzana bangaphindze batsandzane . 7. Kudvonsa ngendlebe . – kumyala umuntfu . 8. Kuluma indlebe . – kuhlolisa umuntfu ngetfo letsite . 9. Incalakuvela umbhalo waMathubela . – kugabatisa info wente shengatsi kucala ngawe kuba netfo lenhle . 10. Legijimako ibonakala ngesihondvo . – umuntfu ubonakala ngemisebenti yakhe , lemihle nome lemibi . 11. Watigwaza ngesakhe . – kutibulala wena ngentfo yakho loyentile . 12. Londlula kazisengwa . – yingwadla . 13. Emakhatsato asabuyele emhlatsini . – ngijabhe
Read more

SWAZI CULTURE AND CUSTOMS: UMUTI WESISWATI SEHLUKO SEKUCALA

By
Umuti wesiSwati - Kuhlelwa Kwetindlu • Tindlu ekhaya lesiswati atimane takhiwe nje nome ngabe ngukuphi . • Ngulelo naleyo indlu inendzawo yayo . Natike Letindlu • Intsanga • Lidladla lakagogo • Lidladla lekuphekela • Lilawu lebafana • Lilawu lababe • Indlunkhulu ( indlu yakagogo ) • Indlu yamake yekulala   Intsanga • Lena indlu yemantfombatane. • Nawungena ekhaya lesiswati indlu yekuca la ngesekudla kuba yindlu yemantfombatane. • Yona ke ayifakwa ekhatsi kuletinye tindlu kepha iba yodvwa ineliguma layo . • Imphundvu yayo ibheke eceleni . ▪ sizatfu sekubekwa yodvwana kutsi emantfombatane nasakhulile avumelekile kutsi agane . ▪ tingani tivumelekile kutsi tite titowujuma noko atikavumeleki kubonakala tiphuma tingena . ▪ bafana balapha ekhaya bavumelekile kutsi umabatibona batishaye . ▪ kunemehluko emkhatsini wekujuma nekulalana . ▪ kujuma ngulotsi intfombi ivakashele ekhabo
Read more